نصائح للمبتدئين في الجيتار 1

موضوع مهم لكل مبتدئ فى الجيتار ..
ناس كتير اوى بتكلمنى امتى هكون محترف  مش عاوز افضل فى مرحلة المبتدئين كتير
على فكرة هى مرحلة المبتدئين مش اهانة ولا حاجة بالعكس ده فخر انك فعلا بدات اصلا موضوع انك امتى هتبقى محترف دى بتاعتك انت مش بتاعتى ولا بتاع المدرس او الجهة اللى بتتعلم منها ايا كانت بمعنى ان تمرينك ومذاكرتك. وتعبك هو اللى هينقلك من المرحلة دى للمرحلة اللى بتتمناها وعشان نريح بعض ملهاش معاد. بمعنى ممكن اقولك سنة  وتعد طول السنة متتمرنش كويس متغيرش من طريقة لعبك تفضل ماسك فى حاجة واحدة تعملها طول السنة لمجرد انها بقت سهلة
طيب بصوا من خلال مشوارى مع الموصوع ده انا هقولكوا على شوية حاجات انا شخصيا مريت بيها
١- الجيتار لازم يبقى جزء من يومك بمعنى انك لازم كل يوم تتمرن ولو ٥ دقايق.
٢- الموضوع دلوقتى بقى اسهل من زمان خش ودور على النت يوتيوب مواقع وبيدجات هتلاقى كل اللى انت عاوزه
٣ - حاول على قد ما تقدر تعيش نفسك فى الجو ده وتدور على ناس ليهم نفس الاهتمام ده  هتتشجع كتير وهتلاقيك بتاخد الخطوات دى بانتظام
٤- الحاااااافز ... الكلمة دى مهمة جدا حاول تدور. على الحافز او الهدف من تعليمك ولو وصلته اختار حافظ وهدف اصعب عشان توصله
فى النهاية كل واحد بيتعب وبيتمرن ليه نتيجة وهيشوفها بس ميستعجلش ابدا عليها..
متنسوش اهم حاجه التدريب