تالت كورد معانا هو كورد ال Am و ده برضو كورد سهل و شبه كورد ال C اوووووووي ...
و ده هيسهلك التنقل بين الكوردين .... كورد الAm و ال C وهقولكم في الاخر التنقل هيبقا عامل ازاي :)
نبدأ في الكورد بقي......
اولا : وهو هتحط صباعك التاني علي الوتر الرابع (4) علي الفرت ( Frit ) التاني ....
ثانيا : وهو هتحط صباعك التالت علي الوتر التالت علي الفرت ( Frit ) التاني برضو .....
ثالثا واخيرا : و هو هتحط صباعك الاول علي الوتر التاني علي الفرت ال ( Frit ) الاول ...
وكده يبقا كورد الAm خلص
شوفتو بقا ان هو شبه كورد الC اووووي الفرق هو الصباع التالت بدل ما هو علي الوتر الخامس علي الفرت التالت ( frit) يبقا علي الوتر التالت علي الوتر التاني
وده بقا التنقل هتتنقل بين الكوردين بواسطه صباعك التالت مره هتحطه علي الوتر الخامس ولما تيجي تتنقل تحطه علي الوتر التات
ان شاء الله يكون فهمتو شرحي ويكون عجبكو الموضوع ......استمرو بقا في التدريب علي التلات كوردات دوووول و حاولو تتنقلو بسرعه
و استنو مني كورد جديد هنزله بكرا ان شاء الله او النهارده
اي استفسار سيبو تعليقاتكم وانا هرد عليكم
شكرا ليكم
والسلام عليكم ورحمه الله وبركاته
تعليقات
إرسال تعليق